NGOKOLO E TOPISE MUNA BUKE
MBOA WEMA, MBOA TEME NA SI

        A BITO BINYO EYA, BINYO SASA NA BANA BA TEME

MUNYENGE JITA ONYOLA BA BE O WE O IYO, BISO BESE DI BI NA DI TA NDE O IYO IDENE.
DI TA NDE KA BATO BE O IYO YA CHROFORM KA NENI BA MAMA BO BA TA NO BA TOPO.
NDE EBOLO ENDENE E DIA, EBOLO O MA SU MESE:
– BA BA MA TILE O TELEYE BANE JE E TOMBI NA MBALE
– BA BENA BA TAPA BANDENE O WASE NYESE
– BA BA MA DOME NA NGINYA ONYOLA NA EWENJ’ASU E DOLI
– BA BA BEN MBOLO O JONGWANE MBOA
– BA BENA BA TILEYA SANG’OA EKOMBO O BAISE MO NA A SENGE MBEMB’ASU YESE
– BA BA MA BELE LOBA NA A KOME NDED’AO NA DI SI SAMBWA BUKA NJE BISO BESE LE NO O JENE

– BA BA MA BAISE MUSUNGEDI NA A TILE BETAINSEDI O KALATI NYA SAWA
– BA BE O BUPE SOMON O BEKAISEDI
– BA BE O DUTEYE MA NGEA MAPEPE
– MOTO TE O LAO SU ONYOLA NA MUNYENGE MU MENDE NDE BE MWA BISO BESE

MWENDI MWE NDE NA DI SI KO BWALA, DI JE EPEGNE NA MISO MA TELAM, MUSINGEDI NYENA

NYOU JITA MO PE E O WASA MIANO O BANDA BA BENA BA MANEYE EKOMBO NA BA SI SENGANE BISO

NDE DI DUBE NA MBALE NA MUKA MU TEM O MBADI YESE BA NONGO BOJA
MOT’A SAWA MO NA EYALA YA NYAMSE BEKWADI E SI MA SUBE TO WUMA : NDE

– LA BOLEYA NDE NENI NA YI YUDA YESE (MANEDI MO NA BANE BESE BA WELE MONI O BOSO KA
LOBA LABU), DI KWEDI TE BUKE KE SON’A ITABA KA KOLONGON ONYOLA NA BO BA BA BATO BE NDE
MBIA MASU TO MAKON MASU TO SO BISO PE DI DEDI SON OMBUSA MBU.
DI MENDE BENE NGINYA O SOMONE MANEYA MASU MANDENE NA MASADI E ?? WENI LE NO NA DI

SOMONE BAN BA MA BELE NO NA DEPUTES BE NA BA BI NDE MABUM MABU BUKATE E ??

TOUTE SOPPO, DOOH COLLINS, NA BANA BESE BA KATI MAYA MASU E SI BE TO SON MALADI E ?
SOMON I MINGEA O BEKAISEDI ONYOLA BANA BA MOTASSI DIBONGUE

 NTONE NTONE,

NA ONYOLA PREFET MBOUTOU,

NA BAPEPE NDE LANGAMEN DUTEYA ONYOLA MANEYA MANDENE MA MBOA,
BWAM BWAM JANEA EBOUMBOU DOUALA NU SAMBWELE MBOA, A SIBISE EDUB’A SANG’OA BESE
O DUALA (BONANJO, BOONAKU, BONEBELA, BASSA) PRINCE RENE DOUALA BELL, A SAMBWELE
MBOA NYESE, DI TITINA PE DI KO BUKE ONYOL’AO

LA BOLEYA NDE NE E ?
BATO BA DUTEYE SO NA DI SI TEME O NGEA E SI BE BOLE EBOLO DI BOTEDI NO.
MBOA NYANGAMEN O JOABE NA DI BOTEYE NONGO MATANGA MA PENYA

– LOMBO TE MBIA MO NA EBWEYA BEKWADI, MITANGO, DUBAN, SI SONTANE TETEN’A BONAYANGO,
IKON, NA BEMA BA BOBE BEPEPE, E MENDE NDE O BE NENI E ? LANGAMEN TE BE MOTO MO KE MA
MBOA MESE MANGAMEN KUSA JA LA BWAM ETUM NA ITABA, ETUM NA MALINGEA MA SI BAKE,
ETUM NA EKON, ETUM NA MISINGA, ETUM NA NGOTOKI, ETUM NA JASE DI SI BEN EBOLO TO EWO,
ETUM NA KUMBA NYA EWOLO, ETUM NA LEMBA, ETUM NA BOBE BO SI MA LONGE MBOA NDE BWA
NYAMSE JITA.
– LOMBO SO TE BESOMBE BE O MBOA, MISODI JITA O MILEMA. NINE MPONDA, DI BANGI O JANDISE
NGONDO NA MAKUBE O NGEA TO O MADON NDE WENGE LA LATELE NDE BARS O BEPOLO BESE,
BELAM NDE BE DA LA JITA LA BESOMBE. MWITITI JITA NDE MWAYE MU POTO. YA KWALABE NA NA
MANNEA MO, MA TA MA NONGO MONI MA BA BA MA TESE BARS O KONA MAGEA MESE, E SE
WAMA E YETENA NIKA NYE MBALE…..
BA MAMA BASU BO BANDISE NDE MIONDOS TO MAKALA NA EDUBE O LOMA BANA O BESUKUDU
NATENA O MBENG’A BAKALA, WENGE LA BENE NDE MA NGEA MA MUNYENGE WUMA YESE MENA
MA BOLE NA BANA BO BA SI MA WELE PE JOKWA KALATI.

                                       A BA NDOLO E MENDE SO NDE BE NENI E?
                                       NJA NYENA NYALABE MBA MI MUEDI E ?

NIKA LE NO O YEN EWENJI, MBOKO MA DUTEYA MI BUSE O MWEBE MWA MBIA TE NA BESOMBE
BESE BE DANGWE LONDO BWAM, MOTO TE A BIYE NJA E NO NA A BOLE MOMENE EDUBE NIKA E
MENDE BOLA MO EPOLO YA BWAM O MBIA. LENA DI TEME NA SIM NIKA LA NO NDE MOTO MO NA
NDED’A LOBA LA NDOLO. BA BA BI EYALA LOBA BA SEBEYE BISO MO E SI BE DIMENE.

BESE O MILONG, BANDENE NA BASADI, BOME NA BITO
BA BA MEYE BEYE – BA BA BI O TILE BA TILE – BA BA BI TOPE BA TOPE – BA BA BI KANE BA KANE

NYA NDOLO DEBORAH NTEPPE